Velkomen til GranvinCamp 2026!
For at alle skal få ei trygg og triveleg oppleving, har vi samla litt nyttig informasjon

Booking av campingplass
Campingplassen gjeld frå torsdag til søndag. Ønskjer du kome onsdag, må du bestille «Ankomst onsdag» som tillegg i nettbutikken.

Innsjekk og utsjekk
Alle dagar frå kl. 09:00 til 22:00
Straumen vert skrudd av søndag kl.15.00

Fortelt og markiser

Ønskjer du fortelt eller markise, må dette bestillast som tillegg når du bookar campingplass.
Maksimal tillaten breidde er 3 meter frå campingeininga.
Markiser med sideveggar blir rekna som fortelt.
Prisen for fortelt blir berekna ut frå lengda på campingeininga og er halv pris av ein ordinær campingplass.
Det er avgrensa tal plassar for fortelt, så det er viktig at du bestiller dette samtidig som du bookar plass for campingvogn eller bubil.

Uttrekkbar vegg
Har du bubil/buss med uttrekkbar vegg må du gje beskjed om totalbredde ved innsjekk. Uttrekkbare veggar eller utvidingar som gir ei total breidde på over 3 meter, registrerast som fortelt. Dette er av omsyn til gjeldande brannreglar på campingplassen.

Informasjon for bussar
Alle bussar over 10 meter blir tilvist til eiget område.

Har du bestilt plass for buss opptil 12 meter, men møter opp med ein buss som er lengre enn 12 meter, risikerer du å miste plassen. Om vi har ledig kapasitet, kjem eit tillegg på kr 1500. Det blir ikkje gitt refusjon dersom vi ikkje har kapasitet til å ta imot bussen.

Parkering
Éin bil per campingvogn (ikkje bubil)
Bilen skal stå ved inngangssida på vogna (sjå bilde)
Har du fleire bilar? Ta kontakt med vaktene – ekstra kostnad per døgn
➡️ For meir info om døgnparkering sjå her

Straum
Maks 500W – ikkje nok til oppvarming, matlaging eller lading av elbil
Brukar du for mykje straum og sikringa går, kan du bli ansvarleg
for det som eventuelt blir øydelagt på same kurs
Vis omsyn – så held alt seg i gang for alle! 🌞

Nattero
Vi er ein familiecamp. Ver grei med naboen
– det skal vera stille etter kl. 23:00

Tryggleik
Det er alltid vakt inne på huset, og vaktselskap patruljerer ute heile natta
Har du spørsmål, henvend deg gjerne til vakta i resepsjonen på Granvin kulturhus

Grilling/ open eld
Gassgrill er tillatt.
Av omsyn til branntryggleiken er open eld ikkje tillate på GranvinCamp.
Forbodet gjeld bålpanner, eingongsgrillar, kolgrillar og liknande. Vi ber alle gjester om å hjelpe oss med å halde området trygt.

Utstyr som blir brukt i strid med reglane vil bli inndrege og levert tilbake ved avreise.

Sanitæranlegg
Dusj og toalett inne på kulturhuset er ope heile døgnet
– og berre for campinggjester

Vasspostar
Vi har to vasspostar – ein på kvar side av bygget

Søppel og tomgods
Takk for at du hjelper oss å halde det reint!
Pant i eigen sekk
Restavfall i eigen sekk
Set tomgodssekken ved containeren. Restavfall kastar du i containeren
Glas og metall kastast i eigen container

Tømmestasjon
Vi har dessverre ikkje tømmestasjon på området
Nærmaste tømmestasjon finn du på Circle K
Tips: Kom med tømt bil! 💩

Døgnopen kafé & takeaway
Vi har påsmurt, panini, pizza, smoothie og mykje meir

Badstu og trening
Badstu er gratis for våre gjester kvar dag frå kl 16:00 til 20:00
Treningstilgang i eige treningssenter for berre 200 kr heile Dyrsku' perioden
➡️ For meir info, sjå her


Billettar til Dyrsku’n
Det er ikkje lenger mogleg å kjøpe billett til Dyrsku’n på Granvin
➡️Billettar til Dyrsku`n kan du kjøpe her
 

Takk for at du vel oss – vi ynskjer deg eit fantastisk opphald
på GranvinCamp! 💙